fbpx

【做直播 4 大注意事項!】

Live Streaming Tips

今年因疫情出現「宅經濟」,唔少中小企都明白到要生存就要向網絡營銷著手,亦帶起咗網絡直播嘅新趨勢。相對就咁用相同字嚟宣傳,直播影片有聲有畫的確吸引好多,但一個直播要做得好,都真係好多事要注意。今日就同大家分享 4 個做直播要注意嘅事。


1. 直播前做足準備,定立鮮明主題

同拍片唔同嘅係,直播無得做後期剪接,所以內容必需要預先設計,事先同講者嘉賓落實直播 Rundown,避免臨場手忙腳亂、過多即興而導致主題偏離。例如直播 30 分鐘,建議以每 10 分鐘做一個單位,去安排每段時間嘅內容細節。

2. 準備完善設備及合適環境

想人地半粒鐘坐定定睇你嘅直播,畫質細緻度、影片流暢度同埋收音係絕對唔可以忽略。一般直播基本硬件設備包括手機、腳架、燈光、電腦、外置收音咪或無線咪等等,建議大家投放時間去選擇合適嘅器材。環境方面,除咗要靜,一個穩定嘅網絡都係極為重要。

Paragon 可為客戶提供合適嘅直播場地、高速網絡、燈光設備及基本設定指導,而家仲有 3+1 租場優惠~如欲了解更多,請即致電 +852-3575-9218 或 WhatsApp +852-6215-0550 查詢

3. 直播前做足宣傳

一般建議中小企係直播開始前一至兩星期,透過唔同平台進行預告,包括 EventBrite 等活動平台,增加活動嘅曝光率;甚至預告當日會有咩特別優惠或消息公佈,令有興趣嘅followers 唔會錯過。直播當日,亦可以將公司 Logo、產品等安排係背景出現,加強宣傳效果。

4. 用小技巧提高觀眾即時參與及互動

一個直播愈多人互動、分享同留言,就會令 Facebook 更有機會將你嘅直播推俾更多人睇到,觸及率亦會提高。而要做到呢樣野,就可以係直播中加插問答、讀留言、送禮等等環節,令觀眾投入感提升。當然進行呢啲嘅時間點,會建議係直播嘅中後段,以免大批觀眾拎完禮就離開直播。至於 Q&A 亦可提前向觀眾收集,方便主持人一次回應。

希望以上資訊幫到大家,進行一個更順暢嘅直播,可以成功做到宣傳品牌效果!